வாழ்த்த வயதில்லை எனக்கு: லோசன் அண்ணா

நேற்று இடவேண்டிய பதிவு.நண்பன் ஒருவரின் தந்தையின் மரணவீட்டிற்கு சென்றமையால் காலம் தாழ்த்தி இடுகின்றேன்.உள்ளத்தின் உணர்வுகளை அப்படியே பிரசவிக்கின்றேன்.

வாழ்த்த வயதில்லை எனக்கு.இருந்தும் இனிய பிறந்த நாள் வாழ்த்துக்கள் .எளிமையான இளமையான ஒருவர் பிறந்து இன்றுடன் 35வருடங்கள்.(வயதில் மட்டும்)

ஆரம்பத்தில நான் லோசன் அண்ணாவின் ரசிகன் ஆனது சூரியனில் இடம்பெற்று வந்த “அட்டகாசம்” கேட்டுத்தான்.விளையாட்டில் நடக்கும் எல்லா விடயங்களும் பிரித்து மேயப்படும் நிகழ்ச்சியாக அது அமைந்தது.பின் காலவோட்டத்தின் மாறுதல்களும்,சூழ்நிலமைகளும் அந்த கம்பீரக்குரலினை கேட்பதனை சற்று தாமதமாக்கின.

எனினும் எனக்கும் விருத்தெரியத்தொடங்க முகப்புத்தகம்,டுவீட்டர் என இணையத்தளங்களை உபயோகிக்கத்தொடங்கினேன்.சில நாட்களின் பின் ஓர் ஆவலில் லோசன் என முகப்புத்தகத்தில் சல்லடை போட்டபோது சிங்கம் சிக்கியது.

நண்பராவதற்கு விண்ணப்பித்தபோது(request) சில மணித்துளிகளில் அவ் விண்ணப்பம் ஏற்று(accept) க்கொள்ளப்பட்டது. அன்று முதல் இன்று வரை வழிகாட்டி வழிப்போக்கன் உறவாக அண்ணன் தம்பி உறவாக வளர்ந்துகொண்டிருக்கின்றது.அதன் பின் அண்ணாவின் முகப்புத்தகத்தினூடாக வெற்றி எஃப்.எம் தொடர்பான தகவல்களை வைத்து அறிந்து கொண்டேன் சிங்கம் இன்னும் கர்ச்சிப்பதனை தொடர்கின்றது என.எனினும் முகப்புத்த்கத்தில் தகவல் பரிமாற்றங்களின் பின் இணையத்தில் ”வெற்றியின் விடியலையும்” ரசிக்கத்தொடங்கிவிட்டேன்.https://www.facebook.com/VettriyinVidiyal

அதன் பின் எப்போது யாழ்ப்பாணத்திற்கு அலைவரிசை விஸ்தரிப்பு என்று ஒரே ஆப்படித்துக்கொண்டிருப்பேன்.நல்ல ஞாபகம் கடந்த வருடம்(2011) ஆடி மாதம் என நினைக்கின்றேன். வெள்ளிக்கிழமை.அண்ணனின் V FOR VETTRI,V FOR விளையாட்டு நிகழ்வினை www.vettrifm.com ஊடாக ரசித்துக்கொண்டிருக்கும் நேரத்தில் யாழ் மண்ணில் இப்பொழுது முதல் 101.5ல் வெற்றி கேட்கலாம் என்றார் லோசன் அண்ணா.யாழ்ப்பாணத்தில் முதலில் அலைவரிசை விஸ்தரிக்கப்பட்டதும் பாடல் ஒன்றை விரும்பிக்கேட்டவன் என்பதிலே இறுமாப்பு எனக்கதிகம்.

Hallock UShanthan Gananathan

·         Ana very happy 2 meet u through 
#v-vettri v- vilayatu
very clear& base @ jafna. Ana kampi mathappu song plz....
Ushanthan
manipay.

இது எனது செய்தி. அதற்கான பதில்

Ragupathybalasridharan Loshan Vaamalosanan

·         will ask Ruban to play that song later after 12 

இப்படியாக தொடர்ந்த போது தான் JPL (Jaffna Premier League)பற்றி சிந்தித்தோம். அதற்கு வெற்றி எஃப்.எம் தான் சரியான வானொலி எனபதற்கிணங்க அதனை லோசன் அண்ணாவிடம் சமர்பித்த போது உடனடியாக சாதகமான முறையில் பரிசீலிக்கப்பட்டது.இன்று வரை JPL (Jaffna Premier League) மிகச்சிறப்பாக செல்வதற்கு வெற்றி எஃப்.எம்https://www.facebook.com/VettriFMOfficial மிகச்சிறந்த முறையில் ஊடக அனுசரணையினை வழங்கிக் கொண்டிருக்கின்றனர்.

முக்கியமாக ஒரு விடயம் இதுவரை நான் லோசன் அண்ணாவை நேரில் பார்த்தது இல்லை.ஆனால் முகப்புத்தகம்,டுவீட்டர்,வலைப்பதிவுகளை பார்த்து மலைத்திருக்கின்றேன்.

மற்றொரு முக்கியமானது நான் வலைபதிவிடத் தொடங்குவற்கு காரணமாக இருந்ததும் லோசன் அண்ணவின் வலைப்பதிவுகள் தான்.

தனித்துவமான குரலும்,சிறப்பான நிகழ்ச்சித்தொகுப்பும்,ஆர்ப்பாட்டமில்லத,ஆடம்பரமில்லாதசாதாரண தன்மையும்,சில விடயங்களை அண்ணாவோடு பகிர்கின்ற போது பெருந்தன்மையோடு நன்றி உஷாந்தன் என்பதும்,ஏனையோரையும் தட்டிக்கொடுப்பதும்,சகலரையும் மதிப்பதும் அண்ணாவிடம் எனக்குப்பிடித்தவை.    

 சாமி எனக்கும் ஒருவரம் வேணும்,குடுப்பீங்களா?

JPL (Jaffna Premier League)https://www.facebook.com/groups/296786493746261/ன் இறுதிப்போட்டியில் சந்திக்கும் ஆவலுடன்…..