சமயம் என்னும் போது வாழும் முறை எனப்படுகிறது .ஒவ்வொரு சமயங்களும் மிக நீண்ட வரலாறுகள் ,அற்புதங்கள், பெருமைகளை தன்னகத்தே கொண்டிருகின்றன. சமயங்கள் பல மனிதர்களை மகத்தான பாதையில் பயணிக்க வைத்திருகின்றது.வாழ்வியல் ,பண்பாடு,கலாசார நிலைமைகளை தொடர்ந்து பேண சமயங்கள் கை கொடுத்திருக்கின்றன.சமயத்தின் பெயரால் வாழ்ந்தவர்கள் பலர்! சமயத்திற்காக வாழ்ந்தவர்கள் சிலர்!! ஏமாற்று வித்தைகாரரும்,ஏமாளிகளும் இல்லாத இடமே இல்லை எனலாம்.இவ்வாறு மாறிவிட்ட பூமியில் மனிதன் மனிதனாக வாழ வேண்டுமல்லவா?
அழகிய ஈழமணி திருநாட்டிலே இந்துக்கள்,கிரீஸ்தவர்கள்,பௌத்தர்கள்,இஸ்லாமியர்கள் வேறுபாடு இல்லாது வாழ்ந்து வருகின்றமை வரவேற்கத்தக்கது.இருந்தும் சமயத்தின் பெயராலே பல மூட நடவடிக்கைகள் வாழ்வியல் உண்மைகளை சாகடித்துக்கொண்டிருக்கின்றன. எல்லா மதங்களையும் வழிபடுபவர்களில் நானும் ஒருவன்.மதம் ஒன்றே அது அன்பெனும் மதம்.அன்பாலே அகிலத்தை ஆளலாம் என்றன் தமிழ்க்கவி.அன்புடையார் எல்லாம் உடையார் என்றார் வள்ளுவர்.
ஒவொரு சமயமும் அன்பின் வழியை அழகாக சொல்லியிருகின்றன.ஒரு கன்னத்தில் அறைந்தவநிற்கு மறு கன்னத்தை காட்டியவர் இயேசு பிரான்,ரொட்டி துண்டுகளையும் பேரிச்சம் பழங்களையும் அன்புடன் பரிமாறியவர் நபிகள் நாயகம்,நாட்டின் துன்பங்களிட்காக நாட்டை விட்டு வெளியேறியவர் புத்த பகவான்,செம்மணச்செல்விக்காக பிட்டுக்கு மண் சுமந்து பிரம்படி பட்டவர் சிவபெருமான்,மிருகங்களை கொல்லக்கூடாது என்பதற்காக அவற்றை வாகனமாக்கியவர்கள் இந்துக் கடவுள்கள் .இறைவன் கூறிய வழிகளையே மக்கள் பின்பற்றுகின்றனர்.அப்படியிருந்தும் சமயத்தை தம் சுய நலத்திற்காக பயன்படுத்துகின்ற சிலராலே சமய புனிதங்கள் கேடுககபடுகின்றன.சிதைக்கபடுகின்றன.
அண்மையிலே பரபரப்பாக பேசப்படுகின்ற விடயம் மிருக வதை.இவ் மிருகங்களை பலியிடுதலை சட்டம் ஒன்றை கொண்டு வந்தே தடுக்கும் அளவிற்கு மக்கள் மனம் மாண்பு பெற்றிருக்கிறது.
என் கையிற்கு வந்தால் தான் காயம், எனக்கு நேர்ந்தால் தான் சோகம் என எண்ணும் நிலை மாற வேண்டும்.எவ் உயிரும் என் உயிர் போல எண்ணி இரங்க அருளாய் பராபரமே என்கிறார் தாயுமானசுவாமிகள்.எம்முடைய அதிகாரம் எம் மூக்குநுனி வரையே! அடுத்தவனை தொடக்கூட எமக்கு அதிகாரமில்லை.அப்படியிருக்கின்ற போது இன்னொரு உயிரை கொல்கின்றவநிட்கு என்ன தண்டனை?அவர்களிற்கு என்ன மனத்தைரியம்??
மன்னன் மகனின் தேர்சில்லில் அகப்பட்டு கன்று இறந்தமைக்காக ஆராட்சிமணியை அடிக்கின்றது பசு.உடனே அதற்கு காரணமான தான் மகனை தேரின் கீழே கிடத்தி அவன் மீது தேரை ஓடச்செய்கிறான் மனுநீதிச்சோழன்.
ஆலயங்களின் பெயராலே பொங்கல்,மடை,தானங்கள் மேற்கொள்வது வரவேற்கத்தக்கது.அவற்றின் பிற்பாடு நியாயமான காரணம் இருக்கிறது.அனால் இவ் மிருகபலிக்கு என்ன காரணம்?ஒரு வேளை உணவிற்கு புசிப்பதற்காக இறைவன் பெயரால் கொலை செய்வதில் என்ன நியாயம்?இறைவன் பெயரால் நாடகமாடும் சமயவாதிகளின் நிலை எல்லைகடந்துவிட்டது.ஒரு நிமிடநேரத்தில் ஓராயிரம்உயிர்கள் கொல்லப்படுவது ஏற்றுகொள்ளமுடியாதது.ஒரு வேளை கொலப்படுகின்ற உயிர்கள் பேசக்கூடியனவாக இருந்திருந்தால் கொல்லப்படுவதற்கு முன் என்னசொல்லியிருக்கும்? சிந்தித்து பார்போம்!!அயல் நாட்டிலே மூன்று மனிதஉயிரிட்காக போராடிக்கொண்டிருக்கும் போது ஆயிரக்கணக்கான உயிர்கள் கொல்லப்பபட தயாராக இருந்திருக்கின்றன.அவை ஏதும் பேசமாட்டதவை என்பதால் தானோ யாரும் அந்த மிருகங்களிட்காக போராட யாரும் முன் வரவில்லை?
அவற்றை கொல்வதால் அதுவும் ஆலயத்திற்கு முன்பாக வைத்து கொல்வதால் என்னபலன் ஏற்டபட்டுவிடப்போகின்றது? சமயத்தலைவர்கள் என்ன செய்து கொண்டிருக்கின்றனர்!எந்த சாமி தனக்கு வேள்வி தா எனக்கேட்டது?அன்பையும்,அருளையும் தரும் சாமி அப்பிடிக்கேட்குமா? சிந்தியுங்கள் மானிடர்களே!!
காட்டிலே தேருந்து செல்கிறான் பாரி,குழைந்து கிடந்த முல்லைக்கொடி கொழுகொம்பு இல்லாது வாடிவதங்குவதை பார்க்கிறான்.அது ஒரு கொடியே என்ற எண்ணத்தை அறவே மறந்து விடுகிறான். முல்லைக்கொடியை பார்த்து வேதனைபடுகிறான்.அந்த கொடிக்காக தன் பட்டது தேரை ஈர்ந்துவிடுகிறான்.
வேடன் கையில் அகப்பட்ட புறாவை பார்க்கிறான் சிபிச்சக்கரவர்த்தி,வேடனுக்கு விருந்தாகப்போகிறதே என்று வேதனைபடுகிறான்.தன் உடலில் இருந்து அந்த புறாவின் எடைக்கு சமனான தசையை வெட்டிகொடுத்து அந்த புறாவின் உயிர் காக்கிறான் உத்தமன்!!ஒரு கன்னத்தில் அறைந்தவனிட்கு மறு கன்னத்தை காட்டியவர் இயேசு பிரான்!!நாட்டின் துன்பங்களிட்காக நாட்டை விட்டு வெளியேறியவர் புத்த பகவான்
இப்படியான புனித பூமியில்பிறந்த நாம் உயிர்களின் மேல் அன்பு செலுத்த தவறுவது என்??
வேறொரு மதத்தை சேர்ந்த ஒருவரால்,அதுகும் அரசியல்வாதி ஒருவரால் தான் கட்டுப்படுத்த முடியுமாக இருந்தால் சமயம் எதட்கு??உண்மையில் அந்த மிருகங்கள் காப்பாத்திய அந்த அரசியல்வாதியை நன்றியோடு பார்த்திருக்கும் ,வாள்த்தியிருக்கும் எமக்கு எமக்கு என்று கட்டுக்கோப்புகள் இல்லையா??சமயத் தலைவர்கள் என்ன செய்து கொண்டிருக்கின்றனர்? உண்மையில் அவர்கள் இதை தடுக்க முடியாவிட்டால் பின்பு எதற்கு அவர்கள்????????????????ஆன்ம லயப்படும் ஆலயத்தில் இதனை மேற்கொள்வது சரியா?
